Krabbameinsfélagið þakkar öllum þeim fjölmörgu sem lögðu félaginu lið í Mottumars, árverkni- og fjáröflunarátaki félagsins, í ár. Við erum hrærð yfir þeirri velvild, samkennd og hlýju sem við fundum svo vel fyrir. Öll starfsemi félagsins er rekin fyrir sjálfsaflafé og því er stuðningur almennings og fyrirtækja forsenda fyrir starfinu.
Lesa meira
Á Mottudaginn, föstudaginn 22. mars, er gráupplagt að mæta í Mosfellsbakarí og kaupa brauð dagsins, muffins, ástarpunga, kanellengju, berlínarbollu eða ameríska súkkulaðiköku því 15% af andvirði þessara vara renna beint til Krabbameinsfélagsins.
Perform styrkir Mottumars með 200 kr. af hverri sölu í verslun vefverslun Perform.is í mars.
Strákarnir hjá Líf kírópraktík ætla að standa fyrir karlakvöldi fimmtudaginn 14. mars og afla fjár til styrktar átakinu.
Selja mottur í Tesla-bifreiðar. Í mars renna 1.000 kr. af hverri seldri mottu til Krabbameinsfélagsins.
Tilboð í Mottumars á skottmottum hjá Mazda og 10% af andvirði rennur til Mottumars.
Askja vekur athygli á Mottumars með viðburðum fimmtudaginn 21. mars. Þá verða skeggsnyrtar í sýningarsölum að Krókhálsi 11 og 13 og verður starfsfólki og gestum boðið í fría skeggsnyrtingu á milli kl. 12-16.
Löður býður viðskiptavinum sínum upp á mottuþvott í mars á kr. 1.000 og rennur upphæðin óskipt til átaksins. Mottuþvotturinn er í boði á Fiskislóð, Dalvegi og á Fitjum.
Á Mottumarsdaginn, föstudaginn 22. mars gefur Löður 20% af allri sölu dagsins til Krabbameinsfélagsins.
Dropp styður viðskiptavini vefverslunar Krabbameinsfélagsins með því að bjóða fríar sendingar í mars á afhendingarstaði (ekki heimsendingar) Dropp. Gildir fyrir Mottumarssokka og allar aðrar vörur vefverslunarinnar.
Við karlar erum stundum heldur tregir að leita upplýsinga eða aðstoðar varðandi andlega eða líkamlega heilsu. Í Karlaklúbbnum ætlum við í sameiningu að breyta því.
