Fyrirtækjastyrkir

Hvernig geta fyrirtæki tekið þátt?

Ekkert nema ímyndunaraflið getur takmarkað það sem fyrirtæki geta gert til að taka þátt í Mottumars og vekja þannig athygli á baráttu gegn krabbameini hjá karlmönnum.

Við fögnum öllum stuðningi við málstaðinn og óskum eftir að fyrirtæki láti okkur vita með tölvupósti á mottumars@krabb.is til þess að við getum skráð framlag þeirra. Þau fyrirtæki sem vilja merkja vörur sínar með Mottumars lógóinu geta gert einfaldan samning um notkun vörumerkisins með því að hafa samband við kynningar- og fjáröflunardeild á sama netfangi.

Í Mottumars geta fyrirtæki verið með í að veita viðskiptavinum sínum upplifun eða veitt þeim tækifæri til að styðja við Mottumars með kaup á vörum sem fyrirtækið selur með því að láta ákveðna upphæð af hverri seldir vöru til Mottumars verkefnisins.

SAMKVÆMT KÖNNUN SEM MASKÍNA GERÐI FYRIR KRABBAMEINSFÉLAGIÐ 2016 SVÖRUÐU 90% AÐSPURÐRA AÐ ÞAU BÆRU TRAUST TIL FÉLAGSINS OG 92% AÐ ÞAU VÆRU JÁKVÆÐ Í GARÐ FÉLAGSINS. FÉLAGIÐ BÝR VIÐ RÍKAN VELVILJA OG MIKLA ÞEKKINGU ALMENNINGS Á FÉLAGINU.

Mottumars er kjörið tækifæri fyrir fyrirtæki í landinu til að fá jákvæða athygli og láta gott af sér leiða. Í Mottumars og á Mottudeginum sjálfum sem verður haldin föstudaginn 10. mars í ár eru möguleikarnir á viðburðum óendanlegir. Hér eru nokkrar hugmyndir:

Kaup á rafrænni mottu og vefborða til að nýta á vef eða í tölvupóst fyrirtækisins

Borðinn og rafræna mottan er táknrænn fyrir þennan mánuð og vísar til stuðnings fyrirtækisins við átakið. Hann er hægt að nota í tölvupóstsamskiptum eða á vefsíðu fyrirtækisins. Hægt er að panta borðann og rafrænu mottuna með því að smella hér.

Selja valdar vörur eða þjónustu

Fyrirtæki geta valið að selja ákveðna vöru/r eða þjónustu og gefið hluta af veltu eða ágóða til Mottumars átaksins. Þetta geta verið vörur eða þjónusta sem eru þegar til staðar eða eitthver nýjung. Mörg fyrirtæki gera samstarfssamninga við Krabbameinsfélagið í Mottumars á hverju ári. Sem dæmi um fyrirtæki sem starfa með félaginu eru Heimilistæki, Ilva, Kynnisferðir, Olís, Toyota, Vodafone, Penninn, Papco,  ofl.

Bjóða námskeið/þjónustu frítt gegn framvísun kvittunar fyrir styrk

Fyrirtæki geta boðið uppá frí heilsutengd námskeið eða þjónustu ef framvísað er kvittun fyrir því að viðkomandi hafi styrkt mottumarsátakið með einhverjum hætti

Gefið hluta af veltu dagsins til átaksins

Fyrirtæki og félög geta valið að gefa hluta af veltu Mottudagsins (föstudaginn 10. mars) eða mars mánaðar til átaksins.

Senda SMS

Hægt er að styrkja átkið um 1900 krónur með því að senda SMS-ið MOTTA í númerið 1900.

Keypt vörur í netverslun Krabbameinsfélagsins

Fyrirtæki geta styrkt með því að kaupa vörur tengdar Mottumars í netverslun Krabbameinsfélagsins fyrir starfsfólkið.

Gefið fasta upphæð fyrir hverja afgreiðslu eða ferð

Fyrirtækið gæti gefið fasta upphæð fyrir hverja færslu, afgreiðslu eða hverja ferð.

Mottuboð eða viðburður

Fyrirtæki geta skipulagt bláan viðburð til styrktar Mottumars. Sem dæmi má nefna; tónleika, gönguferð, hjólatúr, partý eða íþróttatími. Fyrirtæki bjóða viðskiptavinum að njóta viðburðsins en framlög viðskiptavina renna til Mottumars. Starfsmannafélög geta einnig lagt sitt af mörkum með því að halda t.d. basar eða uppboð.

Veitingastaðir og kaffihús

Fyrirtæki sem selja veitingar gætu boðið upp á Mottumatseðil þar sem föst upphæð rennur til Mottumars. Veitingastaðir og kaffihús geta einnig haldið Mottudaginn hátíðlegan með því að láta hluta af veltu renna til átaksins.

Stakt framlag

Fyrirtæki geta styrkt með stöku framlagi. Allar nánari upplýsingar er að finna hér.  

Með hvaða hætti hafa fyrirtæki styrkt í gegnum árin?

Upptalningin hér að ofan er bara hluti af því sem fyrirtæki og fleiri hafa gert til að styðja við Mottumars síðustu ár.

  • Heimilistæki styrki félagið um 1.000 kr. af hverju seldu hárklippum eða skeggsnyrtum
  • Húsgagnahöllin lét 5% af allri mottusölu í marsmánuði renna til átaksins
  • Kynnisferðir merktu rútur með mottumarsskeggi og styrkti átakið með 600.000 kr.
  • Olís styrkti átakið um 5 kr. af hverjum lítra í lykilvikku viðskiptavina ÓB/Olís í mars
  • Papco styrkti átakið um 30 kr. af hverri sölu á merktri klósettrúllupakka með mottumarslógóinu
  • Penninn seldi mottumarspenna í mars og rann 480 kr. af hverjum seldum penna til átakins
  • Toyota seldi mottumar í bíla í marsmánuði og styrkti átakið um 100.000 kr.
  • Fyrirtæki Vikingr sem framleiðir skeggolíur og smyrsl létu 100 kr. renna af hverrri seldri vöru til átaksins
  • Norðanfiskur styrkti átakið um 8% af söluverði tilboðsvara í matvöruverslunum
  • Hár og smink létu 15% renna til átaksins af hverri seldri vöru í Morphosis sport herralínunni
  • Að auki hafa mörg fyrirtæki styrkt átakið í formi vinninga