Um átakið

Ár hvert er marsmánuður tileinkaður körlum og krabbameinum í Mottumars, árvekni- og fjáröflunarátaki Krabbameinsfélags Íslands. Nú er sjónum beint að algengasta krabbameini hjá körlum, krabbameini í blöðruhálskirtli. Safnað er fyrir Karlaklefanum, vefgátt fyrir karla, þar sem finna má upplýsingar um allt sem viðkemur karlmönnum og krabbameinum. Seldir verða sokkar í rakarastofustíl til styrktar átakinu 5.-26. mars.

Fram til þessa hefur yfirvaraskegg verið allsráðandi í Mottumars. Síðustu ár hefur áhugi karlmanna á að safna yfirvaraskeggi dvínað og þátttaka í Mottukeppninni farið minnkandi. Því var tekin ákvörðun um að hvíla mottuna í ár.

„Markmiðið með breytingunni er að gera báðum kynjum kleift að sýna stuðning í verki og taka þátt í Mottumars. Sokkar í rakarastofustíl voru það sem okkur fannst passa öllum, enda augljós skírskotun í karlmennskuna og yfirvaraskeggið” segir Halla Þorvaldsdóttir, framkvæmdastjóri Krabbameinsfélags Íslands.

„Við fögnum hins vegar öllum karlmönnum sem láta sér vaxa yfirvaraskegg og hvetjum þá til að senda okkur myndir af sér. Þær munum við birta, enda mottan alls ekki horfin þó hún sé ekki í forgrunni í ár.“

KARLAKLEFINN

Söfnunarfé Mottumars í ár verður fyrst og fremst nýtt til uppbyggingar og þróunar Karlaklefans og í baráttunni gegn krabbameini í blöðruhálskirtli.

Karlaklefinn verður upplýsingagátt sérsniðin fyrir karlmenn. Rannsóknir sýna að karlmenn yfir fimmtugu nýta sér síður en konur tilboð um sálfélagslegan stuðning í veikindum. Námskeið virðast höfða betur til þeirra en tilboð um stuðning og framsetning á efni skiptir miklu máli. Í Karlaklefanum verður að finna fjölbreytt efni. Fræðsluefni fyrir karla, upplýsingar um einkenni, meðferðir og afleiðingar og gagnvirkt tæki til aðstoðar við ákvarðanartöku um skimun fyrir blöðruhálskirtilskrabbameini. Þar verða einnig upplýsingar um réttindamál, bókunarkerfi fyrir tíma hjá sérfræðingum Krabbameinsfélagsins og vettvangur fyrir samtök og hópa karla með krabbamein til að kynna sig og starfsemi sína, svo eitthvað sé nefnt.

ÖRRÁÐSTEFNA

Fimmtudaginn 15. mars var haldin örráðstefna um krabbamein í blöðruhálskirtli hjá Krabbameinsfélaginu að Skógarhlíð 8. Erindum ráðstefnunnar var streymt beint á netinu og hægt er að skoða upptökurnar hér.

Sérfræðingar til ráðgjafar

Hjá Ráðgjafarþjónustu Krabbameinsfélagsins verður í átakinu sérstök áhersla lögð á ráðgjöf við karla. Frekari upplýsingar verða birtar á krabb.is og á facebook-síðu Ráðgjafarþjónustunnar.

Pantaðu sokka fyrir þitt lið!

Fyrirtækjum og stofnunum gefst færi á að panta sokka fyrir sitt fólk fyrirfram, en almenn sala sokkanna hefst þann 5. mars. Panta hér.

Mottudagurinn 16. mars

Mottumarssokkar kosta 2.000 kr. og eru seldir í netverslun Krabbameinsfélagsins og á sölustöðum um landið sem sjá má hér að neðan frá 5. til 26. mars. Félagið hvetur alla til að klæðast sokkunum á Mottudaginn, föstudaginn 16. mars, og sýna þannig körlum táknrænan stuðning í verki. 

Hvetjum vini, vandamenn og samstarfsfélaga að taka þátt í átakinu og ekki væri verra ef starfsmenn vinnustaða tækju sig saman og efndu til skemmtilegra leikja í tengslum við daginn! Krabbameinsfélagið hvetur hópa til að gera eitthvað skemmtilegt saman og láta mynda sig á ýmsan hátt og senda á mottumars@krabb.is eða setja á Facebooksíðu átaksins.

Sölustaðir

  • Vefverslun Krabbameinsfélagsins, vefverslun.krabb.is
  • 10-11
  • Apótekarinn
  • Apótekið
  • Blómaval
  • Bónus 
  • Byko
  • Elko
  • Geysir
  • Heilsuhúsið
  • Iceland
  • Lumex
  • Lyf og heilsa
  • Lyfja
  • Melabúðin
  • Múrbúðin
  • Nettó
  • N1
  • Olís
  • Penninn/Eymundsson
  • Pósturinn
  • Samkaup

Nokkrar staðreyndir um krabbamein hjá körlum

Ár hvert greinast um 780 íslenskir karlar með krabbamein, samkvæmt upplýsingum frá Krabbameinsskrá.

  • Í árslok 2016 voru á lífi 6.398 karlar sem fengið hafa krabbamein
  • Tæpur helmingur þeirra sem greinast eru á aldrinum frá 40 til 69 ára.
  • Samkvæmt útreikningum frá Krabbameinsskránni greinist þriðji hver karlmaður með krabbamein einhvern tímann á lífsleiðinni.
  • Talið er að um tíunda hvert krabbamein skýrist af arfgengum þáttum.
  • Hver og einn getur gert ýmislegt til að draga úr líkum á að fá krabbamein, til dæmis með því að reykja ekki, hreyfa sig reglulega, borða hollan og fjölbreyttan mat, takmarka neyslu áfengis og varast óhófleg sólböð.
  • Algengustu krabbamein hjá körlum eru krabbamein í blöðruhálskirtli, lungum, þvagvegum og þvagblöðru. 
  • Meðalaldur við greiningu krabbameins er um 68 ár.
  • Lífshorfurnar hafa batnað mikið. Um 26% karla sem greindust með krabbamein fyrir fjörutíu árum lifðu í fimm ár eða lengur en nú geta um 68% vænst þess að lifa svo lengi.
  • Því fyrr sem krabbamein greinist, því meiri líkur eru á lækningu.

Algengustu krabbamein karla

Árlegur meðalfjöldi tilfella 2012-2016 samkvæmt upplýsingum frá Krabbameinsskrá.

  • Blöðruhálskirtill 214
  • Lungu 84
  • Þvagvegir og þvagblaðra 68
  • Ristill 62
  • Húð án sortuæxla 54
  • Nýru 36
  • Endaþarmur 27
  • Heili og miðtaugakerfi 27
  • Eitilfrumuæxli 26
  • Bris 25

Mottumars er árlegt átaksverkefni Krabbameinsfélagsins tileinkað baráttunni gegn krabbameinum í körlum. 

Ár hvert er marsmánuður tileinkaður körlum og krabbameinum í Mottumars, árvekni- og fjáröflunarátaki Krabbameinsfélags Íslands. Nú er sjónum beint að algengasta krabbameini hjá körlum, krabbameini í blöðruhálskirtli. Safnað er fyrir Karlaklefanum, vefgátt fyrir karla, þar sem finna má upplýsingar um allt sem viðkemur karlmönnum og krabbameinum. Seldir verða sokkar í rakarastofustíl til styrktar átakinu 5.-26. mars.

Fram til þessa hefur yfirvaraskegg verið allsráðandi í Mottumars. Síðustu ár hefur áhugi karlmanna á að safna yfirvaraskeggi dvínað og þátttaka í Mottukeppninni farið minnkandi. Því var tekin ákvörðun um að hvíla mottuna í ár.

„Markmiðið með breytingunni er að gera báðum kynjum kleift að sýna stuðning í verki og taka þátt í Mottumars. Sokkar í rakarastofustíl voru það sem okkur fannst passa öllum, enda augljós skírskotun í karlmennskuna og yfirvaraskeggið” segir Halla Þorvaldsdóttir, framkvæmdastjóri Krabbameinsfélags Íslands.

„Við fögnum hins vegar öllum karlmönnum sem láta sér vaxa yfirvaraskegg og hvetjum þá til að senda okkur myndir af sér. Þær munum við birta, enda mottan alls ekki horfin þó hún sé ekki í forgrunni í ár.“

KARLAKLEFINN

Söfnunarfé Mottumars í ár verður fyrst og fremst nýtt til uppbyggingar og þróunar Karlaklefans og í baráttunni gegn krabbameini í blöðruhálskirtli.

Karlaklefinn verður upplýsingagátt sérsniðin fyrir karlmenn. Rannsóknir sýna að karlmenn yfir fimmtugu nýta sér síður en konur tilboð um sálfélagslegan stuðning í veikindum. Námskeið virðast höfða betur til þeirra en tilboð um stuðning og framsetning á efni skiptir miklu máli. Í Karlaklefanum verður að finna fjölbreytt efni. Fræðsluefni fyrir karla, upplýsingar um einkenni, meðferðir og afleiðingar og gagnvirkt tæki til aðstoðar við ákvarðanartöku um skimun fyrir blöðruhálskirtilskrabbameini. Þar verða einnig upplýsingar um réttindamál, bókunarkerfi fyrir tíma hjá sérfræðingum Krabbameinsfélagsins og vettvangur fyrir samtök og hópa karla með krabbamein til að kynna sig og starfsemi sína, svo eitthvað sé nefnt.

ÖRRÁÐSTEFNA

Fimmtudaginn 15. mars var haldin örráðstefna um krabbamein í blöðruhálskirtli hjá Krabbameinsfélaginu að Skógarhlíð 8. Erindum ráðstefnunnar var streymt beint á netinu og hægt er að skoða upptökurnar hér.

Sérfræðingar til ráðgjafar

Hjá Ráðgjafarþjónustu Krabbameinsfélagsins verður í átakinu sérstök áhersla lögð á ráðgjöf við karla. Frekari upplýsingar verða birtar á krabb.is og á facebook-síðu Ráðgjafarþjónustunnar.

Pantaðu sokka fyrir þitt lið!

Fyrirtækjum og stofnunum gefst færi á að panta sokka fyrir sitt fólk fyrirfram, en almenn sala sokkanna hefst þann 5. mars. Panta hér.

Mottudagurinn 16. mars

Mottumarssokkar kosta 2.000 kr. og eru seldir í netverslun Krabbameinsfélagsins og á sölustöðum um landið sem sjá má hér að neðan frá 5. til 26. mars. Félagið hvetur alla til að klæðast sokkunum á Mottudaginn, föstudaginn 16. mars, og sýna þannig körlum táknrænan stuðning í verki. 

Hvetjum vini, vandamenn og samstarfsfélaga að taka þátt í átakinu og ekki væri verra ef starfsmenn vinnustaða tækju sig saman og efndu til skemmtilegra leikja í tengslum við daginn! Krabbameinsfélagið hvetur hópa til að gera eitthvað skemmtilegt saman og láta mynda sig á ýmsan hátt og senda á mottumars@krabb.is eða setja á Facebooksíðu átaksins.

Sölustaðir

  • Vefverslun Krabbameinsfélagsins, vefverslun.krabb.is
  • 10-11
  • Apótekarinn
  • Apótekið
  • Blómaval
  • Bónus 
  • Byko
  • Elko
  • Geysir
  • Heilsuhúsið
  • Iceland
  • Lumex
  • Lyf og heilsa
  • Lyfja
  • Melabúðin
  • Múrbúðin
  • Nettó
  • N1
  • Olís
  • Penninn/Eymundsson
  • Pósturinn
  • Samkaup

Nokkrar staðreyndir um krabbamein hjá körlum

Ár hvert greinast um 780 íslenskir karlar með krabbamein, samkvæmt upplýsingum frá Krabbameinsskrá.

  • Í árslok 2016 voru á lífi 6.398 karlar sem fengið hafa krabbamein
  • Tæpur helmingur þeirra sem greinast eru á aldrinum frá 40 til 69 ára.
  • Samkvæmt útreikningum frá Krabbameinsskránni greinist þriðji hver karlmaður með krabbamein einhvern tímann á lífsleiðinni.
  • Talið er að um tíunda hvert krabbamein skýrist af arfgengum þáttum.
  • Hver og einn getur gert ýmislegt til að draga úr líkum á að fá krabbamein, til dæmis með því að reykja ekki, hreyfa sig reglulega, borða hollan og fjölbreyttan mat, takmarka neyslu áfengis og varast óhófleg sólböð.
  • Algengustu krabbamein hjá körlum eru krabbamein í blöðruhálskirtli, lungum, þvagvegum og þvagblöðru. 
  • Meðalaldur við greiningu krabbameins er um 68 ár.
  • Lífshorfurnar hafa batnað mikið. Um 26% karla sem greindust með krabbamein fyrir fjörutíu árum lifðu í fimm ár eða lengur en nú geta um 68% vænst þess að lifa svo lengi.
  • Því fyrr sem krabbamein greinist, því meiri líkur eru á lækningu.

Algengustu krabbamein karla

Árlegur meðalfjöldi tilfella 2012-2016 samkvæmt upplýsingum frá Krabbameinsskrá.

  • Blöðruhálskirtill 214
  • Lungu 84
  • Þvagvegir og þvagblaðra 68
  • Ristill 62
  • Húð án sortuæxla 54
  • Nýru 36
  • Endaþarmur 27
  • Heili og miðtaugakerfi 27
  • Eitilfrumuæxli 26
  • Bris 25