Ekki humma fram af þér heilsuna!
Þekktu einkennin og ekki bíða of lengi
Það er ekki að ástæðulausu sem Krabbameinsfélagið heldur áfram að hvetja karlmenn sérstaklega til að þekkja og bregðast við hugsanlegum einkennum krabbameina.
Rannsókn Krabbameinsfélagsins meðal fólks á Íslandi sem greindist með krabbamein á árunum 2015-2019 sýndi að margir karlar leituðu seint til lækna þó þeir fyndu fyrir einkennum sem svo reyndust eiga rót sína að rekja til krabbameins.
Hátt í helmingur karla sem greindist með krabbamein eftir að hafa fundið fyrir einkennum beið í þrjá mánuði eða lengur með að leita til læknis. Alls 14% karla biðu í meira en ár.
Það getur skipt miklu máli varðandi horfur að krabbamein séu greind fljótt ef einkenni gera vart við sig og því skiptir máli að þekkja þau og bregðast við þeim.
Ertu með allt á hreinu? Taktu einkennaprófið
Helstu einkenni sem geta
bent til krabbameins:
- Óvenjuleg blæðing
- Þykkildi eða hnútar
- Óútskýrt þyngdartap
- Þrálátur hósti eða hæsi
- Langvarandi kyngingarerfiðleikar
- Sár sem ekki gróa
- Breytingar á hægðum eða þvaglátum
- Nýir fæðingarblettir eða breytingar á blettum
- Langvarandi óþægindi frá meltingarvegi
- Óvenjuleg þreyta
- Viðvarandi verkir
Ef þú finnur fyrir einhverju þessara einkenna lengur en í 3-4 vikur ættir þú að panta tíma hjá lækni.
Hafðu samt í huga að einkennin gætu átt sér ýmsar skýringar aðrar en krabbamein.Sjá nánar um einkenni krabbameina á vef Krabbameinsfélagsins.
Prentaðu út veggspöld!
Þekktu einkennin og farðu eftir heilsuráðum Mottumars.
- Þekktu einkennin - veggspjald A4 - íslenska
- Þekktu einkennin - veggspjald A4 - pólska
- Þekktu einkennin - veggspjald A4 - enska
- Heilsuráð Mottumars - veggspjald A4 - íslenska
