Skeggkeppni Mottumars
Skeggkeppnin er fastur liður í Mottumars, árlegu árvekni- og fjáröflunarátaki Krabbameinsfélagsins.
Þátttakendur eru hvattir til að skarta mottu og safna áheitum frá vinum, vandamönnum og þjóðinni allri. Söfnunarfé rennur óskipt til Krabbameins félagsins og nýtist m.a. til að veita endurgjaldslausa ráðgjöf og stuðning til krabbameinsgreindra og aðstandenda þeirra, til íslenskra rannsókna á krabbameinum og til ýmis konar fræðslu og forvarnastarfs.
Taktu þátt í skeggkeppninni!
Taktu þátt í skeggkeppninni og safnaðu áheitum fyrir gott málefni. Þú skráir þig sem einstakling og getur svo í framhaldi af því valið þér lið til að taka þátt í.
Viltu frekar styrkja keppendur?
Ef þú vilt styrkja málefnið án þess að skrá þig í skeggkeppnina tökum við þér fagnandi. Það vinnur enginn án stuðnings.
Leiðin til sigurs
Ekki segja hinum, en við erum með tips og trix fyrir metnaðarfulla keppendur.
-
Grípandi nafn er gott, en flott mynd er ennþá betri.
-
Ef skeggvöxturinn er ekki alveg kominn (ennþá) eigum við flottan Instagram filter sem virkar fyrir öll kyn (en bara í farsímum). Taktu upp vídeó með filternum og sjáðu hvaða mottu gervigreindin úthlutar þér.
-
Ef þú hefur persónulega sögu af því hvers vegna málefnið skiptir þig máli þá gæti það hæglega skorað nokkur styrktarstig.
-
Síðast en ekki síst smala, smala og smala. Deildu hlekknum fyrir þitt lið eða einstaklingsskráningu á vini og vandamenn og ekki hika við að minna á þig.
-
Notaðu #mottumars og ekki gleyma að smala!
Verðlaunaafhending
Í Skeggkeppninni verða veitt verðlaun þeim einstaklingi sem safnar hæstu upphæðinni og einnig því liði sem nær bestum árangri í söfnuninni. Þá verða einnig veitt verðlaun fyrir þá mottu sem valin verður af dómnefnd keppninnar. Verðlaunahöfum verður boðið til athafnar sem fer fram föstudaginn 5. apríl kl. 18 á rakarastofunni Herramenn, Hamraborg 9 Kópavogi. Herramenn eru samstarfsaðilar Mottumars.
