Vertu meðvitaður, þekktu líkama þinn og helstu einkenni krabbameina!
Nokkur einkenni sem karlar ættu ekki að láta fram hjá sér fara:
- Erfiðleikar við þvaglát eða blóð í þvagi.
- Þrálátur hósti og erfiðleikar við kyngingu.
- Blæðing frá endaþarmi eða blóð í hægðum.
- Langvarandi óþægindi frá meltingarvegi.
- Óútskýrt þyngdartap eða þyngdaraukning.
- Viðvarandi þreyta sem minnkar ekki við hvíld.
- Eitlastækkanir.
- Hnútar, til dæmis í eistum.
- Breytingar á húð og slímhúð (til dæmis sár í munni sem gróa ekki, sár á kynfærum eða breytingar á fæðingarblettum).
Einkennin hér að ofan geta vakið grun um krabbamein en geta einnig verið til marks um aðra
sjúkdóma.
Nauðsynlegt er að bregðast við einkennum því líkur á lækningu eru meiri því fyrr sem
krabbamein greinast. Leitaðu því til læknis ef þú hefur fundið til einhverra ofantalinna
einkenna eða hafðu samband við Ráðgjafarþjónustu Krabbameinsfélagsins.