Mottumars 2018

Guðni fór í sokkana

mottumarsMottumars er árvekni- og fjáröflunarátak Krabbameinsfélags Íslands tileinkað körlum og krabbameinum. Í ár er sjónum beint að krabbameini í blöðruhálskirtli. Í nýrri auglýsingu syngur Rakarakvartett Mottumars um einkenni sjúkdómsins, en myndbandið má sjá hér. Sokkarnir kosta 2.000 krónur og verða seldir í netverslun Krabbameinsfélagsins og í verslunum víða um land sem finna má upplýsingar um á mottumars.is

Halla Þorvaldsdóttir, framkvæmdastjóri félagsins, afhenti Guðna jakka í rakarastofustíl við þetta tækifæri, einn af fjórum jökkum sem hannaðir voru sérstaklega fyrir auglýsinguna. Jakkarnir eru í íslensku fánalitunum og hinir þrír verða boðnir upp á Mottudaginn 16. mars næstkomandi. Forsetinn taldi ekki ólíklegt að jakkinn gæti komið að góðum notum þegar hann færi að horfa á „Stelpurnar“ eða „Strákana“ okkar.

„Svo hvet ég alla til að láta gott af sér leiða. Allir sem vettlingi geta valdið að kaupa sokka,“ sagði Guðni að lokum en sagðist aðspurður ekki hafa látið skoða blöðruhálsinn þar sem einungis væri mælt með að karlmenn með einkenni gerðu það.

Krabbameinsfélagið bendir á að hafi karlmenn þau einkenni sem sungið er um í laginu eru þeir hvattir til að leita til heilsugæslu.

Í Mottumars er safnað fyrir Karlaklefanum, vefgátt fyrir karla, þar sem finna má upplýsingar um allt sem viðkemur karlmönnum og krabbameinum. Í grein Ásgeirs R. Helgasonar í Fréttablaðinu í morgun kemur fram að karlmenn með krabbamein séu oft á tíðum félagslega einangraðir og hafi þörf fyrir karllægt viðmót þegar kemur að því að tala um erfiðleika tengda sjúkdómum.

Fram til þessa hefur Mottumars einkennst af yfirvaraskeggjum, en síðustu ár hefur áhugi karlmanna á að safna yfirvaraskeggi dvínað og þátttaka í Mottukeppninni farið minnkandi. Því var tekin ákvörðun að hvíla mottuna í ár, en félagið hvetur hins vegar þá sem hafa safnað mottu í tilefni af átakinu að senda inn myndir, sem það mun birta.

Gp-mottumars-forseti-5-mars--8-

Guðni tekur sig vel út í Mottumarsjakkanum.

Gp-mottumars-forseti-5-mars--9-

Guðni Th.  Jóhannesson, forseti Íslands og Halla Þorvaldsdóttir, framkvæmdastjóri Krabbameinsfélags Íslands.


Í dag hófst Mottumars formlega þegar Guðna Th. Jóhannessyni, forseta Íslands, var afhent sokkapar sem selt er til styrktar átakinu. 

mottumarsMottumars er árvekni- og fjáröflunarátak Krabbameinsfélags Íslands tileinkað körlum og krabbameinum. Í ár er sjónum beint að krabbameini í blöðruhálskirtli. Í nýrri auglýsingu syngur Rakarakvartett Mottumars um einkenni sjúkdómsins, en myndbandið má sjá hér. Sokkarnir kosta 2.000 krónur og verða seldir í netverslun Krabbameinsfélagsins og í verslunum víða um land sem finna má upplýsingar um á mottumars.is

Halla Þorvaldsdóttir, framkvæmdastjóri félagsins, afhenti Guðna jakka í rakarastofustíl við þetta tækifæri, einn af fjórum jökkum sem hannaðir voru sérstaklega fyrir auglýsinguna. Jakkarnir eru í íslensku fánalitunum og hinir þrír verða boðnir upp á Mottudaginn 16. mars næstkomandi. Forsetinn taldi ekki ólíklegt að jakkinn gæti komið að góðum notum þegar hann færi að horfa á „Stelpurnar“ eða „Strákana“ okkar.

„Svo hvet ég alla til að láta gott af sér leiða. Allir sem vettlingi geta valdið að kaupa sokka,“ sagði Guðni að lokum en sagðist aðspurður ekki hafa látið skoða blöðruhálsinn þar sem einungis væri mælt með að karlmenn með einkenni gerðu það.

Krabbameinsfélagið bendir á að hafi karlmenn þau einkenni sem sungið er um í laginu eru þeir hvattir til að leita til heilsugæslu.

Í Mottumars er safnað fyrir Karlaklefanum, vefgátt fyrir karla, þar sem finna má upplýsingar um allt sem viðkemur karlmönnum og krabbameinum. Í grein Ásgeirs R. Helgasonar í Fréttablaðinu í morgun kemur fram að karlmenn með krabbamein séu oft á tíðum félagslega einangraðir og hafi þörf fyrir karllægt viðmót þegar kemur að því að tala um erfiðleika tengda sjúkdómum.

Fram til þessa hefur Mottumars einkennst af yfirvaraskeggjum, en síðustu ár hefur áhugi karlmanna á að safna yfirvaraskeggi dvínað og þátttaka í Mottukeppninni farið minnkandi. Því var tekin ákvörðun að hvíla mottuna í ár, en félagið hvetur hins vegar þá sem hafa safnað mottu í tilefni af átakinu að senda inn myndir, sem það mun birta.

Gp-mottumars-forseti-5-mars--8-

Guðni tekur sig vel út í Mottumarsjakkanum.

Gp-mottumars-forseti-5-mars--9-

Guðni Th.  Jóhannesson, forseti Íslands og Halla Þorvaldsdóttir, framkvæmdastjóri Krabbameinsfélags Íslands.