Heilsuráð

Bregðumst við einkennum

Nú í Mottumars höfum við kynnt heilsuráð sem bæta heilsu og draga úr líkum á krabbameinum. Það vill svo til að þau eiga sérlega vel við á þeim óvenjulegu tímum sem við göngum nú í gegnum. Sofum vel, borðum rétt, hreyfum okkur daglega á fjölbreyttan hátt, drekkum vatn, forðumst áfengi og reykingar. Þannig drögum við úr líkum á krabbameinum og eflum um leið ónæmiskerfið sem gerir okkur betur í stakk búin til að takast á við ýmis veikindi, þar á meðal Covid-19.

Ráðin eiga auðvitað við fyrir bæði kynin og jafnt unga sem aldna. Við hvetjum þig til að prenta þau út og hengja upp á vegg til að minna þig á og halda þér við efnið alla daga.

Sækja heilsuráðin til útprentunar.

Mottumarstextinn 2020 - Heilsuráð sem bæta heilsu og minnka líkur á krabbameinum. Byggja á vísindalegum grunni.

Textinn:

Einn tveir einn tveir þrír

Klappa saman höndunum

Sofa vel

Svefn getur haft mikil áhrif á líkamlega og andlega heilsu okkar og þar með lífsgæði. Mikilvægt er að halda rútínu til að stuðla að bættum svefni. Reynum því að fara í rúmið og vakna á svipuðum tíma á hverjum degi. Fyrir flesta fullorðna dugir að sofa í 7-8 tíma á sólahring. Ef það tekur langan tíma að sofna er hægt að lesa eða hlusta á róandi tónlist. Einnig er mikilvægt að forðast neyslu á drykkjum sem innihalda koffín seinnihluta dags og slökkva á snjallsímanum eða tölvunni síðasta klukkutímann fyrir svefn þar sem bláa ljósið sem frá þeim kemur truflar framleiðslu líkamans á melatóníni (svefnhormóni).

Nánari upplýsingar:

Góður svefn - Karlaklefinn
Viltu bæta svefninn? - Heilsuvera

Borða rétt

Til að minnka líkur á krabbameinum er ráðlagt að borða mikið af heilkornavörum, grænmeti, ávöxtum og baunum. Einnig er ráðlagt að takmarka neyslu á rauðu kjöti (eða sleppa) og forðast unnar kjötvörur og sykraðar vörur eins og gosdrykki (eða sleppa). Ekki er ráðlagt að nota fæðubótarefni sem forvörn gegn krabbameinum.

Embætti landlæknis gefur út ráðleggingar um mataræði og eru þær í samræmi við ráðleggingar sem alþjóðlegar stofnanir á sviði krabbameinsrannsókna gefa.

Nánari upplýsingar:

Ráðleggingar um mataræði - Embætti landlæknis
Mataræði - Krabbameinfélagið
Eat wholegrains, vegetables, fruit & beans - World Cancer Research Fund
Limit sugar sweetened drinks – World Cancer Research Fund
Limit red and processed meat – World Cancer Research Fund
Do not use supplements for cancer prevention – World Cancer Research Fund
Diet and cancer - European Code against Cancer

Drekka vatn

Vatn er besti drykkurinn til að svala þorsta. Sýrustig vatns er líka best fyrir tennurnar. Ósykraðir drykkir eins og te og kaffi eru líka góður kostur.

Best er að stilla neyslu á ávaxtasafa í hóf og takmarka neyslu á sykruðum drykkjum eins og gosdrykkjum og orkudrykkjum.

Nánari upplýsingar:

Limit sugar sweetened drinks – World Cancer Research Fund
Þitt er valið - Embætti landlæknis

Dansa

Regluleg hreyfing á hvaða formi sem er hjálpar til við að draga úr líkum á krabbameinum. Þannig minnkar hreyfing líkur á krabbameini í brjóstum, ristli og endaþarmi og legbol. Einnig eru vísbendingar um að regluleg miðlungserfið hreyfing minnki líkur á krabbameini í blöðruhálskirtli.

Hreyfing hefur jákvæð áhrif á hormónajafnvægi líkamans, minnkar bólgumyndun og hraðar ferð fæðunnar í gegnum meltingarveginn. Þar sem hreyfing er einnig mikilvægur þáttur í þyngdarstjórnun þá getur hreyfing haft verndandi áhrif gegn krabbameinum sem tengjast hárri líkamsþyngd.